- Жарайсың
- 28 Қаңтар, 2023
Бұл спорттың қай түрі?
(Спорттық жұмбақтар)
Шаңғымен де сырғанар,
Мергендік те сыналар,
Бұл спорттың қай түрі
Бесаспаптар шыңдалар?
(Биатлон)
* * *
Құламадан асқардай,
Жүрексінбей, жасқанбай,
Қалықтай кеп қонатын
Ұлы асудан асқандай.
Ақ барыстай мінезі,
Қай спортшы бұл өзі?
(Трамплиннен секіруші)
* * *
Көздің нұрын жаулаған,
Бишіден бір аумаған,
Кім айдынның аққуы ол
Пір тұтатын бар ғалам?
(Мәнерлеп сырғанаушы)
* * *
Тілдей тақта – «тұлпарым»,
Шығандарға шырқарым.
Жүйрік аттай жүйткітер
Боратып қар бұрқағын.
(Сноуборд)
* * *
Мұз айдында бес-бестен
Қарсы тұрып шептескен,
Өз орнынан табылар
Қақпашысы тағы бар,
Бұл спорттың қай түрі
Алаөкпе боп шабылар?
(Хоккей)
* * *
Қос қамшым бар,
Қос тізгін.
Аппақ шыңдар
Дос біздің.
(Шаңғышы)
Суретін салған Наталья Ященко
139 рет
көрсетілді0
пікір