• Жарайсың
• 20 Қараша, 2022

АҒАЙЫНДЫ АЛҒЫРЛАР

Ағайынды қос бүлдіршін Саян Ернарұлы мен Дінмұхаммед Ернарұлы Алматыда тұрады. Саян – бесте, інісі Дінмұхаммед төрт жаста. Екеуі де «РАНИ» балабақшасында тәлім алады. Тәрбиеші апайлары Жанар Темірханқызы мен Жұлдыз Жұмабекқызынан үнемі мақтау естиді. Өйткені екеуі де тәртіпті, зейінді, өнерге құштар.

Жақында Саян мен Дінмұхаммед «Алтын күз» атты республикалық онлайн-байқауына қатысып, жеңімпаз атанды. Атап айтсақ, Саян «қолөнер» номинациясы бойынша 2-дәрежелі дипломмен марапатталды. Ал Дінмұхаммед аталған номинация бойынша 1-дәрежелі диплом иегері атанды.

Бекен ДАТҰЛЫ,

Алматы қаласы.