- Балаларға базарлық
- 22 Наурыз, 2022
АТАМНЫҢ НАУРЫЗ БАТАСЫ
Ернұр Сейдахмет
Елден ырыс кетпесін!
Ешкім уайым шекпесін.
Араздасқан ағайын,
Ұмытсын реніш, өкпесін.
Жақсы жолда қалмасын.
Жаман бүлік салмасын.
«Бөрі етектен тартпасын,
Жау жағадан алмасын».
Түгенделсін жоғымыз.
Тойға ұлассын тойымыз.
Оңғарылып ісіміз,
Орындалсын ойымыз.
Көңіліміз шат болсын,
Пейіліміз ақ болсын!
Құтты болып Әз Наурыз,
Әрбір үйге бақ қонсын!
Әумин!
385 рет
көрсетілді0
пікір