Жаңа жыл қарсаңында

Безендірдік аулада
Өсіп тұрған шыршаны.
Әсемдеуге бар бала
Бар өнерін жұмсады.

Жасап келді бірі піл,
Бірі – барыс, арыстан.
Бірі – қораз, бірі – құр,
Бірі – бүркіт, сауысқан.

«Қырау» да бар,
«Қар» да бар,
Іліп жаттық тырмысып.
Төбемізде сол «қарлар»
Әрі-бері жүрді ұшып.

Шыршамыз тұр жасарып,
Ойыншықтар тізіліп.
Көз алмай біз,
Тамсанып,
Қарап тұрмыз қызығып.

Сұлтан ҚАЛИҰЛЫ