• Жаңылтпаштар
• 22 Ақпан, 2023

ЖАҢЫЛТПАШТАР

Мылтықбай ЕРІМБЕТ

Еменім, қарағайым, 
Ақ қайың, дара қайың.
Ара алып аралайын,
Деп едім, 
Ұрысты бар ағайын.

* * *

Ақ домалақ, көк домалақ,
Көп домалақ жоқ болар-ақ.
Ақ домалақ көп домалақ,
Көп домалақ – көк домалақ.

* * *

«Дауылыңа, жауыныңа,
Қарсы тұрып жетемін ауылыңа».
Деп едім бауырыма,
– Қосылыпсың, – деді, 
– Батырлар қауымына.

* * *

Өрліктің, Ерліктің талабы – 
Елдіктің амалы.
Кеңдіктің өзіндей,
Қазақтың Адамы!

* * *

Алпысты алты деп айтысты, 
Айтысты алты деп алпысты.
Алпыс алты емес алпыс екен,
Алты алпыс емес сәл кіші екен.

* * *

Адамға, заманға,
Ырзамын әманда.
Адамға қарайла,
Салма әсте табанға.

Суретін салған Наталья Ященко