• Жұмбақтар
  • 22 Ақпан, 2023

ЖҰМБАҚТАР

Тұрысбек ЕДІЛБАЙ

Көзге ілінбейді,
Жұтсаң білінбейді.

(Ауа)

* * *
Өзінде жан жоқ,
Бойында қан жоқ. 
Айтқанды ұғады, 
Көңілден шығады.

(Робот)

* * *
Төрт бұрышты, қатты, 
Дәмін татсаң тәтті.

(Қант)

* * *
Төрт саусақты, сүйір, 
Шөпке сондай үйір.

(Айыр)

* * *
Денесі жоқ, иығы бар.
Бірақ өзі киімқұмар.

(Киім ілгіш)

* * *
Көзбен оқисың,
Көңіліңе тоқисың.

(Кітап)

* * *
Найзасымен піседі,
Піскен жері іседі.

(Ара)

* * *
Күнмен  бірге көшеді,
Бұлтты көрсе өшеді.

(Көлеңке)

 

ӘЛІПБИЛІК ЖҰМБАҚТАР

Тоқта бар,
Газда жоқ, 
Жоқта бар, 
Отта жоқ

(Қ)

* * *
Өрде бар, 
Еңісте жоқ. 
Дөңде бар, 
Тегісте жоқ.

(Д)

* * *
Шөлде бар,
Құмда жоқ. 
Көлде бар, 
Суда жоқ.

(Ө)

* * *
Барыста бар, 
Маралда жоқ. 
Алыста бар, 
Аралда жоқ.

(С)

* * *
Қойда бар, 
Лақта жоқ. 
Тойда бар, 
Атта жоқ.

(И)

* * *
Көкте бар, 
Жерде жоқ. 
Көлде бар, 
Селде жоқ.

(Ө)

* * *
Қарда жоқ, 
Мұзда бар. 
Жарда жоқ, 
Тұзда бар.

(З)

318 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

БАЛДЫРҒАН №5

31 Мамыр, 2024

Жүктеу (PDF)

Редактор блогы

Дүйсен МАҒЛҰМОВ

"Балдырған" журналының бас редакторы