• Жұмбақтар
• 29 Қыркүйек, 2022

ЖҰМБАҚТАР

* * *
Ашуы – бір атар,
Жеп көрсең – жылатар.
Кез-келген аурудың 
Емі ол жұбатар.

Қайда ол жүрмейді,
Кім оны білмейді?..
Онсыз еш тамақтың
Дәм-тұзы кірмейді.

(Пияз)

* * *
Шаймен ішсе – дәрумен,
Артық кейде  дәріңнен.
Тосап жасап алар ем,
Теру қиын бәрінен.

Сөздің айтсам кесімін,
Таба аларсың шешімін.
Бұл жемістің атымен  
Қыздың қойған есімін.
 

(Қарақат)

* * *

Қарықта жатыр дөңгелеп,

Кішкентай ғана дөңгелек.

Сарғайып әбден піскенде

Иісі де бөлек, дәм бөлек.

Қауын да емес, қарбыз да,

Маған тәтті, сол керек.

(Әңгелек)

* * *

Күн нұрында қабағы,

Жерден нәрін табады.

Өнімдерін жасырып,

Тамырына салады.

Піскен шақта сабағы,

Жерден қазып алады.

Адамзаттың қазір ол

Нан секілді тамағы.

(Картоп)

Суретін салған Ерлан Момбаев