• БАЛДЫРҒАН
• 31 Наурыз, 2022

«МЫСЫҚ КӨРМЕГЕНСІЗ БЕ?»

Алты жасар Бақнұр мектептің дайындық сыныбына баратын болды. Анасы оны дәрігерлік тексеруден өткізіп жүрген. Кезек жүйке аурулары дәрігеріне келді. Дәрігер ағай:

– Бақнұр, мысықтың қанша аяғы бар, – деп сұрады.

– Төртеу.

– Қанша құлағы бар?

– Екеу.

– Қанша құйрығы бар?

Осы тұста Бақнұр:

– Сіз мысық көрмегенсіз бе? Неге менен сұрай бересіз? – демесі бар ма.

Басында сасып қалған дәрігер іле күліп жіберді де, қажетті құжатқа қол қойып берді.

Дүйсен БЕК.

Суретін салған Ерлан Момбаев