• Жарайсың
• 05 Қыркүйек, 2021

АЙША БИБІНІҢ «ӘЛІППЕСІ»

Биылғы жаңа оқу жылының жақсы жаңа­лығы бар. «Әліппе» еліміздің мектептеріне қайта оралды. Енді 1-сынып оқушылары екі тоқсан бойы «Әліппеден» әріп танып, қалған екі тоқсанда «Ана тілінен» білім алатын болады.
Жаңартылған «Әліппеде» заманауи технология да ескерілген. Оқулықтың әр бетінде QR-код бар. Оны сканерлеп, аудиожазбалар тыңдауға болады. 
1 қыркүйек – Білім күнінде мектеп та­бал­дырығын аттаған бүлдіршіндерге «Әліппе» салтанатты түрде табысталады. Солардың қатарында  Алматыдағы  №88  жалпы  білім беретін мектептің 1 «А» сынып оқушысы Айша Бибі Төребекова да бар.
 – Мен санауды, сандарды қосып-азайтуды білем. Енді «Әліппеден» әріп үйренем. Содан соң «Балдырғанды» оқимын, – дейді Айша Бибі.
Біз кішкентай Айша Бибі мен «Әліппе­ле­рін» қолға алып, білімге қадам басқан барша бүлдіршінге ақ жол тілейміз! 

Бекен ДАТҰЛЫ