- Мерейтой
- 30 Қыркүйек, 2021
ТӘУЕЛСІЗДІК ШЕЖІРЕСІ
1991 жылы 21 желтоқсанда Алматы қаласында Тәуелсіз Мемлекеттер Достастығы құрылды. Оның қатарына бұрын Кеңес Одағының құрамында болған 11 тәуелсіз мемлекет кірді. Мемлекет басшылары ТМД-ны құру туралы Декларацияға қол қойды.
1992 жылы 30 қаңтарда Қазақстан Еуропадағы қауіпсіздік және ынтымақтастық ұйымына мүше боп кірді. 1992 жылы 30 қаңтарда Қазақстан Еуропадағы қауіпсіздік және ынтымақтастық ұйымына мүше боп кірді.
1992 жылдың 18 ақпанында Алматыда балалар құқығын қорғау және көмекке зәру балаларға қамқорлық көрсету мақсатымен «Бөбек» балалар қайырымдылық қоры құрылды.
1992 жылы 2 наурызда Қазақстан Біріккен Ұлттар ұйымына мүше болып кірді. Осы сәттен бастап Қазақстан әртүрлі сипаттағы халықаралық мәселелерді шешуге және әлемде ынтымақтастық орнатуға атсалыса бастады.
1992 жылы 7 мамырда еліміздің халқы мен аумақтық тұтастығын, егемендігін қорғау мақсатында Қазақстан Республикасының дербес Қарулы күштері құрылды.
1992 жылы 22 мамырда Қазақстан ЮНЕСКО (БҰҰ-ның ғылым-білім және мәдениет мәселелерімен айналысатын ұйымы) құрамына енді.
1992 жылдың 4 маусымында «ҚР Мемлекеттік Елтаңбасы туралы» және «ҚР Мемлекеттік Әнұранының музыкалық редакциясы туралы» заңдар күшіне енді.
Совет ӘЛІМҚҰЛОВ
ОТАН
Бақытты боп жүргенім
Сенің арқаң, Ұлы Отан.
Елім – менің тірегім,
Құшағында гүл атам.
Шығысыңнан арайлы,
Күліп атқан құба таң.
Сенен бақыт тарайды
Баршамызға Ұлы Отан.
Сарқылмайды қуатым,
Тірегімсің сен, Отан.
Мәңгі соғып тұратын
Жүрегімсің, сен Отан.
677 рет
көрсетілді0
пікір