• Балаларға базарлық
• 20 Қаңтар, 2021

Жаңа жылға тілек

Тұманбай МОЛДАҒАЛИЕВ

Жаңа жылдан сұрарым,
Елімнің бағын биіктет!
Арналар саған жыр-әнім.
Өзіңді бізге сүйікті ет!

Жаңа жылдан сұрарым,
Сәбилерімді жылатпа.
Қандырсын ойын құмарын,
Жандарын бөле шуаққа.

Еліме әкел жақсылық,
Қуаныш мәңгі сөнбесін.
Болмасын елде тапшылық.
Үміттер көкке өрлесін.

Көп болғай істер ерлігің,
Қуаныш боп шық төріме.
Еліме бақыт бер, жылым,
Тыныштығыңды бер жеріме.

Жаңа жыл, келер жаңа күн,
Білмесін мұңды бөпелер.
Жердегі барлық ананың
Баласын аман ете көр!