• Балаларға базарлық
• 15 Желтоқсан, 2020

Шыны қайсы өтірігі қайсы?

БҰЛ-ШЫН

Улы бақа болады

Улы бақалар, әрине, бар. Олар Бразилияның тропиктік ормандарында тіршілік етеді. Өте кішкентай болады. Дене тұрқы 5 сантиметрден аспайды. Улы бақаның тағы бір аты – садақ бақа. Себебі, ертеректе бұл бақаның терісінен бөлінетін уды үндістер жебенің ұшына жаққан. Мұндай удың күштілігі сондай, небәрі 1 грамы 80 адамды өлтіре алады екен.

БҰЛ-ӨТІРІК

Балық ұмытшақ болады

Көп адамдар балықтың есте сақтау қабілеті тым нашар деп ойлайды. «Көргенін 1 минутқа жетпей ұмытып қалады» деген пікір қалыптасқан. Шындығында олай емес. 2014 жылы канадалық ғалымдар арнайы зерттеу жүргізген болатын. Нәтижесінде, балықтың көрген нәрсесін кемінде 10-12 күн бойы есінде сақтайтыны анықталды.