- Балаларға базарлық
- 11 Ақпан, 2021
Ғылым елінде
Сатурн
Балалар, сендер сақиналы Сатурн ғаламшарын білесіңдер ме? Ол – Күн жүйесіндегі сегіз ғаламшардың бірі. Жерден 9,5 есе үлкен. Жуырда ғарыштағы Hubble телескопы Сатурнды суретке түсірді. Сатурнда қазір жаз мезгілі. Бұл ғаламшардағы жаз тұп-тура 7 жылға созылады. Сатурнның 1 жылы Жердегі 28 жылға тең.
Жаз деген аты болмаса, мұндағы орташа ауа температурасы – 178 градустан көтерілмейді. Өйткені, Сатурн Күннен тым алыста орналасқан. Сақиналы ғаламшар жылуды Күннен емес, өз қойнауынан алады екен.
Үрлемелі скутер
Жапондар ерекше электроскутер жасап шығарды. Ерекшелігі сол, ол үрлемелі. Жиналып тұрғанда жолдорба сияқты арқаға асып жүруге болады. Үрлеп алсаң, ыңғайлы көлікке айналады.
Poimo деген бұл скутердің салмағы 5 килограмм тартады. Жылдамдығы кәдімгі электроскутерден кем емес. Оны жасаған мамандар әрі жеңіл, әрі жұмсақ көлікке қызығатындар көп болады деп үміттеніп отыр.
488 рет
көрсетілді0
пікір