- Балаларға базарлық
- 16 Қазан, 2020
Мазақтамалар
Ақылбек Шаяхмет
Қостанай қаласы
Мылжың
Көрсең оның қызығын,
Мылжыңдайды күнұзын.
Ауызында жоқ тыным,
Өзгелерден тілі ұзын.
Мақтаншақ
Тұрғандарға ерігіп
Өзін мақтап, аттан сап,
Төсін керіп, желігіп,
Желпінеді мақтаншақ.
Көп қызықты көрдім деп,
Жақсылыққа жақ болсақ,
Үлгі болған менмін деп,
Серпіледі мақтаншақ.
Бұзамын деп бөгетті,
Қиындыққа тап болсақ,
Іздеп түрлі себепті,
Ентігеді мақтаншақ.
Салақ
Елдің бәрі біледі,
Ісі бітпей, асығып,
Қашан көрсең жүреді
Берекені қашырып.
Төсегі де жиналмай,
Төңірегі шашылып,
Жүретінін қиналмай
Қажеті не жасырып?!
Пысық
Бітпей жатқан жұмысы көп,
Көрінсе де пысық болып,
Аяқталған бір ісі жоқ,
Жүргені тек ұшып-қонып.
536 рет
көрсетілді0
пікір