- Кім тез жаттап алады?
- 16 Қазан, 2020
Сөз ішіндегі сөз
ӘЛИ Ысқабай
Құлан-Ұлан
Қ» әрпінен бастасаң,
Тұяғы асыл құланмын.
«Ұ» әрпінен бастасаң,
Ержүрек, өжет ұланмын.
Жүйткіген қырда құландай,
Жүгірем алға ұрандай.
Қотан-Отан
«Қ» әрпінен бастасаң,
Қойларым жусар қотанмын.
«О» әрпінен бастасаң,
Елмін, жермін – Отанмын.
Мыңғырса қойым қотанда,
Дәулетті болар Отан да.
Қария-Ария
«Қ» әрпінен бастасаң,
Болам үлкен қария.
«А» әрпінен бастасаң,
Әнмін салар – ария.
Өнерді сүйген қария,
Тыңдайды ұйып ария.
Жай-Ай
«Ж» әрпінен бастасаң,
Аспанда ойнар жай болам,
«А» әрпінен бастасаң,
Сәулесі нұрлы ай болам.
Найзағай оты жай шашар,
Ғарышкер болам ай асар.
797 рет
көрсетілді2
пікір