- Жарайсың
- 31 Тамыз, 2020
БАСЫЛЫМЫН БАҒАЛАҒАН БАЛАЛАР
Құрметті «Балдырған» журналының редакциясы! Өздеріңіз білетіндей, мен Қаратөбе ауданы, Сәуле ауылындағы мектепте оқитын балаларға жыл сайын «Балдырған», «Ақ желкен», «Ұлан» газет-журналдарын өз қаржыма жаздырып беріп жүрмін. Карантин кезінде сол ауылға ағам екеуміз барып, кейбір жанұяларға қолымыздан келгенше көмек көрсетіп қайттық.
Осы сапар барысында 4-сынып оқушысы Дильназ Болатқызының үйінде керемет көрініске куә болдым. Оқу озаты, өнерлі қыз Дильназ өзіне келген барлық журнал, газеттерден тігінді жасап, жинап қойыпты. Қуанып қалдым. Ауылдық жерде тұратын Дильназдың білімге құштарлығы мен ұқыптылығына риза болдым. Қандай күшті! Бұл ауылда тек Дильназ ғана емес, басқа балалардың да білімге өте ынталы екенін, өз басылымдарын таласа оқитындарын естіп, қуанышымыз еселене түсті.
Сондай-ақ, мен сіздердің еңбектеріңіздің осылай жоғары бағаланып жатқанына да қуандым. Балалар жақсы көретін журнал шығарып, олардың рухани дамуына үлкен үлес қосып жүргендеріңізге алғыс білдіремін. Осы балалардан болашақта тамаша азаматтар қалыптасады деген үмітім зор. Ауылдан алған әсерім мен қуанышымды сіздермен бөліскім келіп, осы хатты жазып отырмын.
Қаламдарыңыз талмасын, қуанышты хабарларыңыз көп болсын!
Нұржан Хасанов,
кәсіпкер.
Батыс Қазақстан облысы,
Қаратөбе ауданы.
157 рет
көрсетілді0
пікір